Koro Navarrok euskaratuta, 2007ko Literatur Nobel Sariaren eleberri hau heriotza batekin hasten da, eta hilketa horretara iritsi arteko bide bihurri eta zoritxarrekoa kontatzen du. Laborari zuri pobreen alaba da Mary, hirira joan eta bizimodu erosoa daramana, gizarteko arauek estututa ezkontzeko premia sentitu eta nekazari errukarri batekin uztartzen den arte. Gaizki hasitakoa gero eta okerragora joango da: bizimodu latz eta txiroak itota, gizarte zorrotz eta arrazista baten sareak lotuta, gorputzgogoen higadura batean amilduko dira senar-emazteak, inork utzi ezin duen gainbehera garratzean.