Aurkeztuko diren lanak 10 eta 25 orri artekoak izango dira. Inprenta-letraz (Arial 12 edo antzekoa) idatziko dira eta lerro artean espazio bikoitza utziko da. Lanak jatorrizkoak izango dira, inoiz argitaratu gabeak eta aurretik beste lehiaketa edo sariketa batean inolako saririk jaso gabekoak.

Lanen bi kopia aurkeztuko dira, sinatu gabeak, eta haietan bakarrik izenburua eta izengoitia jarriko dira. Horiekin batera gutun azal itxi bat aurkeztuko da, hauek jasoko dituena: izengoitia, egilearen izen-abizenak, NANaren fotokopia edo, atzerritarra izanez gero, baliokidea, helbidea eta telefonoa; eta gutun azalaren kanpoaldean lema eta zein lanetara aurkezten den zehaztuko da. Saritutako lanen gutun azalak baino ez dira irekiko. Era berean, lanarekin batera hirugarren oinarria betetzen dela egiaztatzen duen zinpeko aitorpena ere aurkeztuko da.

Lanak aurkezteko epea 2010eko irailaren 8an bukatuko da. Arabako Foru Aldundiaren Euskara, Kultura eta Kirol Sailean entregatu edo hara bidali beharko dira - Probintzia plaza 5, 3. solairua. 01001 Vitoria- Gasteiz -, kanpoaldean Ignacio Aldecoa ipuin lehiaketa jarrita. Lehiaketaren xehetasun guztiak Arabako Foru Aldundiaren webgunean jasotzen dira.